Capouns in councy. Take capouns adn rost hem right hoot, that they be not half ynough, and hewe hem to gobettes, and cast hem in a pot; do therto clene broth. Seeth hem that they be tendre. Take brede and the self broth and draw it up yfere; take strong powdour and safroun and salt and cast therto. Take ayren and seeth hem harde; take out the yolkes and hew the whyte, take the pot fro the fyre and cast the whyte therinne. Messe the dysshes therwith, and lay the yolkes aboue hool and flour it with clowes.
(CI. IV. 24.)
